இரத்தின புகழேந்தி நூல்கள்

இரத்தின புகழேந்தி நூல்கள்
RATHINA PUGAZHENDI BOOKS

16 பிப்ரவரி, 2018

THURSDAY, FEBRUARY 15, 2018 கானல்வரி பன்னாட்டுக் கருத்தரங்கம் 2018 அறிவிப்பு




உலகத் தமிழாராய்ச்சி நிறுவனம், சென்னை சுல்தான் இட்ரிசு கல்வியியல் பல்கலைக்கழகம், மலேசியா 
கற்க அறக்கட்டளை, சிங்கப்பூர் மற்றும் கானல்வரி கலை இலக்கிய இயக்கம், விருத்தாசலம்
இணைந்து நடத்தும்
தமிழர் சிற்பங்கள்
பன்னாட்டுக் கருத்தரங்கம்  சிற்பக்கலைப் பயிலரங்கம்  மற்றும்
கலை விருது வழங்கும் விழா

கருத்தரங்கத் தலைவர்
பேரா.முனைவர் கோ.விசயராகவன்
இயக்குநர்
உலகத் தமிழாராய்ச்சி நிறுவனம்,சென்னை
இடம் : உலகத் தமிழாராய்ச்சி நிறுவனம்சென்னை
நாள்:13.04.2018


அன்புடையீர் வணக்கம்,
 உலகத் தமிழாராய்ச்சி நிறுவனம்,
 சுல்தான் இட்ரிசு கல்வியியல் பல்கலைக்கழகம் மற்றும் கற்க அறக்கட்டளை
இணைந்து நடத்தும்
கானல்வரி பன்னாட்டுக் கருத்தரங்கிற்கு தங்களை அழைப்பதில் மகிழ்கிறோம்.
2018 ஏப்ரல் திங்கள் 13 ஆம் நாள் சென்னை உலகத் தமிழாராய்ச்சி நிறுவனத்தில் நடைபெற உள்ள இக் கருத்தரங்கின் மையத் தலைப்பு  
                ”சிற்பக்கலை”
இது சார்ந்து கீழ்க்கண்ட தலைப்புகளில் ஆய்வுக் கட்டுரைகளை அனுப்பலாம்

· தமிழ் இலக்கியத்தில் சிற்பக்கலை
· சோழர் காலச் சிற்பங்கள்
· பல்லவர் காலச் சிற்பங்கள்
· சிற்பக்கலை நூல்கள்
· தமிழ் சிற்பக் கலைஞர்கள்
· கற்சிற்பங்கள், மரச்சிற்பங்கள்
· உலோகச்சிற்பங்கள்,                சுடுமண் சிற்பங்கள்
· மணற் சிற்பங்கள், வார்ப்புச் சிற்பங்கள்
· புடைப்புச் சிற்பங்கள்
· சுதைச் சிற்பங்கள்

கட்டுரைகள் A4  அளவில் 5 பக்கங்களுக்கு மிகாமல் அமைதல் வேண்டும்.எழுத்துரு அளவு 12 புள்ளி. (PDF வடிவில் அனுப்பக் கூடாது WORD DOCUMENTஆக மட்டும் அனுப்புக)

பேராளர்கள் கவனத்திற்கு

· குறிப்பிட்டுள்ள தலைப்புகள் மட்டுமின்றி சிற்பக்கலை சார்ந்து வேறு தலைப்புகளிலும் ஆய்வுக்கட்டுரைகள் அனுப்பலாம்
· கட்டுரையை ஒருங்குறி எழுத்துருவில் (Unicode font) word document ஆக           kaanalvari2016@gmail.com என்னும் மின்னஞ்சலுக்கு மட்டுமே அனுப்பவேண்டும்.
· கட்டுரை அனுப்ப இறுதி நாள்                30.03.2018
· பதிவுக்கட்டணம்:                           பேராசிரியர்களுக்கு: ரூ.1000        மாணவர்களுக்கு:ரூ.600
      அஞ்சலில் நூல் மற்றும் சான்றிதழ் 
      பெறுவதற்குப் பதிவுக்கட்டணத்துடன் ரூ.100
      சேர்த்து அனுப்பிட வேண்டும்
· பதிவுக்கட்டணத்தை வங்கி வரைவோலையாகவோ இணைய வழியாகவோ அனுப்பலாம்
· வரைவோலை R PUGAZHENDI என்ற பெயரில் இருக்கவேண்டும்.
· இணையவழி பரிமாற்றம் செய்திட       
      R PUGAZHENDI                                        
      A/C NO.915010017230175                               
      BANK: AXIS BANK                                   
      BRANCH: VIRUDHACHALAM                 
      IFSC CODE: UTIB0002198
· கட்டுரைகள் தொகுக்கப்பட்டு ISBN எண்ணுடன் நுலாகக் கருத்தரங்க நாளில் வழங்கப்படும்



ஆலோசனைக் குழு
முனைவர் ஆறு.இராமநாதன்
தகைசால் பேராசிரியர்தமிழ்ப் பல்கலைக்கழகம், தஞ்சாவூர்
முனைவர் ஒப்பிலா. மதிவாணன், தலைவர்
தமிழ் இலக்கியத் துறை,
சென்னைப் பல்கலைக்கழகம்
பேராசிரியர் இரா.இலட்சாராமன், முதல்வர்(ப.நி.)
ஸ்ரீ சி.பா.கல்லூரி, மயிலம்

கருத்தரங்க ஒருங்கிணைப்பாளர்கள்
முனைவர் இரத்தின புகழேந்தி
செயலாளர், கானல்வரி கலை இயக்கம்
முனைவர்  கு.சிதம்பரம்
உதவிப் பேராசிரியர்
உலகத் தமிழாராய்ச்சி நிறுவனம்,சென்னை
முனைவர் சாமிக்கண்ணு ஜெபமணி
இணைப் பேராசிரியர்
தமிழ்த் துறை
சுல்தான் இட்ரிசு கல்வியியல் பல்கலைக்கழகம்

கருத்தரங்க அமைப்புக் குழு
முனைவர் ஆ.மணவழகன்,இணைப் பேராசிரியர்
சமூகவியல்,கலை மற்றும் பண்பாட்டுப் புலம்,          உலகத் தமிழாராய்ச்சி நிறுவனம்
கவிஞர் தியாக இரமேஷ் நிறுவனர்,
கற்க அறக்கட்டளை
ஓவியர் கே.கோவிந்தன்
முனைவர் எழிலாதிரை,  பேராசிரியர்(ப.நி.)
முனைவர் இரா.செந்தில்குமார், ஆசிரியர்
திரு.நா.இரமேஷ்பாபு, ஆசிரியர்
திரு.த.கார்த்திகேயன்
மென்பொருள் கட்டமைப்பாளர்
எச்.சி.எல்.நிறுவனம்
மயிலம் இளமுருகு, ஆசிரியர்
முனைவர் இரா.மோகனா, உதவிப் பேராசிரியர்
திரு. பா.இராம்குமார், ஐ.ஐ.டி., சென்னை



கருத்தரங்கில் கலந்துகொண்டு கட்டுரை வாசிப்பவர்களுக்கு ஆய்வுக்கோவை நூல், நினைவுப்பரிசு மற்றும் சான்றிதழ் வழங்கப்படும்.
            கலந்துகொள்ள இயலாதவர்களுக்கு சான்றிதழும் நூலும் அஞ்சலில் அனுப்பப்படும்.
(அதற்குப் பதிவுக் கட்டணத்துடன் ரூ.100 சேர்த்து அனுப்பிட வேண்டும்)

            கருத்தரங்க நாளன்று சிற்பக்கலையில் சிறந்து விளங்கும் கலைஞர்கள் இருவருக்கு
கற்க அறக்கட்டளை வழங்கும்
கானல்வரி கலைவிருது வழங்கப்படும்.
மூத்த கலைஞருக்கு 10,000 ரூபாய் பரிசுத்தொகையுடன் விருதும்,
இளைய கலைஞருக்கு விருதுடன் 5,000 ரூபாய் பரிசுத் தொகையும் வழங்கப்படும்.
மாணவர்களுக்குச் சிற்பக்கலைப் பயிலரங்கும்
நடைபெறும்.

குறிப்பு: ஆய்வுக் கட்டுரைகள் கள ஆய்வுத் தரவுகள் மற்றும் மேற்கோள் நூல்கள் ஆகியவற்றின் அடிப்படையில் ஆய்வு முறையைப் பின்பற்றி தரமாக எழுதப்பட வேண்டும்.

அனைத்துத் தொடர்புகளுக்கும்

முனைவர் இரத்தின புகழேந்தி
4,தங்கம் நகர்,
அண்ணசாலை,பெரியார்நகர்-தெற்கு
விருத்தாசலம்-606001,பேசி:9944852295
kaanalvari2016@gmail.com




பதிவுப் படிவம்

பெயர்:________________________________

பதவி:________________________________

முகவரி:_______________________________

______________________________________

_____________________

_____________________








அ.கு. எண்:


கைபேசி எண்:

மின்னஞ்சல்:

கட்டுரைத் தலைப்பு:


கட்டணம் செலுத்திய விவரம்:

வரை ஓலை எண் & நாள்:

வங்கியின் பெயர்:





இடம்:
நாள்:
                                                                                                                      கையொப்பம்


23 ஆகஸ்ட், 2017

இளவேனில் பதிப்பக புதிய வெளியீடுகள்

1.பந்தயக்குதிரைகளா மாணவர்கள்
இரத்தின புகழேந்தி
பக்கம்.112
விலை.ரூ.100
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001

2.சனங்களின் பாடல்கள்
இரத்தின புகழேந்தி
பக்கம்.64
விலை.ரூ.65
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001

3.இது குழந்தைகளின் வகுப்பறை
இரத்தின புகழேந்தி
பக்கம்.72
விலை.ரூ.75
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001

4.வசீரும் லீலாவதியும்
இரத்தின புகழேந்தி
பக்கம்.120
விலை.ரூ.120
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001
5.தமிழர் ஓவியம்
இரத்தின புகழேந்தி
பக்கம்.272
விலை.ரூ.300
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001

6.தமிழரின் கைவினைக்கலைகள்
இரா.செந்தில்குமார்
பக்கம்.244
விலை.ரூ.300
இளவேனில் பதிப்பகம்
4,தங்கம் நகர்
பூதாமூர்
விருத்தாசலம் -606001











4 மார்ச், 2017

எழுத்தாளர் சபாநாயகம் அவர்களின் வாழ்நாள் சேமிப்பு நூல்கள்




மறைந்த எழுத்தாளர் திரு.வே.சபாநாயகம் அவர்கள் பணியிலிருந்து ஓய்வு பெற்ற பிறகு படிப்பதும் எழுதுவதுமே தலையாய பணியாக செய்து வந்தவர். படிப்பதற்கும் எழுதுவதற்கும் கால அட்டவணைப்படி நேரத்தை பகிர்ந்தவர். தமிழில் வெளிவந்த தேர்ந்தெடுத்த படைப்புகளைத் தேடித்தேடி சேகரித்து தன் அறையை அழகுசெய்தவர். நூல்களைத் திட்டமிட்டு அடுக்கி வைத்திருப்பார். நமக்குத்தேவைப்படும் ஒரு நூலின் பெயரைக் குறிப்பிட்டுக்கேட்டால் இடது பக்க அலமாரியில் மூன்றாவது வரிசையில் 10 ஆவது இடத்தில் இருக்கும் என்று குறிப்பிடுவார். சரியாக அந்த இடத்தில் அந்த நூல் இருக்கும். நான் அறிய அது போல் ஒழுங்காக நூல்களை அடுக்கி வைத்தவர் யாருமில்லை. நூல்களை அழுக்காக்காமல், கசக்காமல் மடிக்காமல் கிறுக்காமல் படிக்கவேண்டும் என்பது அவரது கொள்கை. ஒரு நூலைப்படிக்கவேண்டுமெனில் முதலில் அதற்கு ஒரு அட்டை போட்டுவிட்டுத்தான் படிப்பார். அட்டை அழுக்காகாமலிருக்க. அவர் நூலை மட்டுமல்ல. பிறரிடமிருந்து நூல்களை வாங்கினாலும் அப்படித்தான் செய்வார். அவரது நூல்களை எலாருக்கும் கொடுக்க மாட்டார் அவரின் மேற்சொன்ன பழக்கங்களை நன்கு அறிந்தவருக்கே கொடுப்பார். வாங்கியபடியே திருப்பி தரவேண்டும். எப்போது திரும்பக்கொடுக்கவேண்டும் என்று கூறுகிறாரோ அப்போது திருப்பவில்லை எனில் நினைவூட்டி பெற்றுக்கொள்வார். கணையாழி, தீபம், எழுத்து பிரக்ஞை,ஞானரதம் போன்ற இதழ்களை பைண்டிங் செய்து வரிசையாக அடுக்கி வைத்திருப்பார். அதனால்தான் அந்த இதழ்களை அவரால் சிறப்பாக தொகுக்க முடிந்தது.  அந்த இதழ்களை வெளியிட்டவர்களே முறையாக பாதுகாத்து வைக்கவில்லை. ஒரே நாளில் பல ரகமான நூல்களை வாசிக்கும் பழக்கம் அவரிடமிருந்தது. காலை 5-6 கணினியில் மின்னஞ்சல் பார்ப்பது வலைப்பதிவு செய்தவது, 6- 7 செய்தித்தாள்கள் வார இதழ்கள் படிப்பது 7-8 குளிப்பது உண்பது, 8-9 கதைகள் 9-10 நாவல்கள் 10-11 ஓய்வு 11-12 கட்டுரைகள் 12-1 இலக்கிய இதழ்கள் இது ஒரு தோறையமாக நான் குறிப்பிடுவது ஆனால் அவரின் திட்டமோ இன்னும் ஒழுங்காக அமைந்திருக்கும். ஒரு நாளைக்கு 3 நாட்குறிப்புகள் எழுதுவார். ஒன்று அன்றாட செயல்கள் சந்தித்த மனிதர்கள் பற்றியதாக இருக்கும் அடுத்து வரவு செலவு கணக்குகள், மற்றொன்றில் தமக்கு வந்த கடிதங்கள் மற்றும் அவர் யாருக்கு கடிதம் எழுதினார் என்ற விவரங்கள். இப்படி தன் வாழ்நாளை ஒரு ராணுவ வீரரைப்போல் திட்டமிட்டு செலவிட்டவர். நூல்களுக்காக செல்விட அஞ்சாதவர். அவர் மறைவுக்குப்பிறகு அந்த நூல்களை என்னசெய்யலாம் என்று அவரின் குடும்பத்தினர் திட்டமிட்டபோது என்னிடமும் ஆலோசனை கேட்டனர். அப்படியே இருக்கட்டும் அய்யாவின் பெயரில் ஒரு நூலகமாக்கிவிடலாம் ஆய்வாளர்களுக்கு பயன்படும் என்றேன். ஆனால் அவற்றை நிர்வகிப்பது அவ்வளவு எளிதில்லை என்பதால் அந்தத் திட்டம் கைவிடப்பட்டது. எனவே அய்யா அவர்கள் பணியாற்றிய பள்ளி நூலகங்களுக்குக் கொடுக்கலாம் எனத்திட்டமிட்டோம். அவற்றைக் கொண்டுசேர்ப்பதில் உள்ள நடைமுறைச்சிக்கல்களை எண்ணிப்பார்த்தும் நூல்கள் ஓரிடத்திலிருந்தால் நலமென்றும் புதிதாகத் தரமுயர்த்தப்பட்ட மன்னம்பாடி அரசு உயர்நிலைப்பள்ளியில் இப்போதுதான் நூல்களைச் சேகரிக்கின்றோம் பெரிய கட்டடம் நூலக்த்திற்கென தனி தாழ்வாரம் என நூல்களைப் பயன்படுத்தவும் பாதுகாக்கவும் சரியான இடம் என்பதால் அவர் குடும்பத்தினர் மகிழ்வோடு ஒத்துக்கொண்டனர். இந்த பணி மிகவும் எளிதாக இருக்கும் என்றுதான் எண்ணினேன். தொடங்கியபிறகுதான் அதன் கடினம் தெரிந்தது. முதலில் இலக்கியச்சிற்றிதழ்களை விரும்பிச்சேகரிக்கும்      கிருஷ்-.இரமதாஸ் Krish Ramadas அவர்கள் கேட்டிருந்தார் என்பதால் அவற்றை ஒழுங்குபடுத்தினோம்.
கீழ்க்கண்ட இதழ்கள் அவருக்கு அளிப்பதற்காக அட்டைப்பெட்டிகளில் வைத்தோம்
விருட்சம் – 40 இதழ்கள்
சதங்கை – 31
கவிதாசரண்-23
யுகமாயினி-42
கோடு- 8
புதியநம்பிக்கை- 22
கணையாழி -178
இலக்கியபீடம் -24
முன்றில் – 4
கல்குதிரை -11
இலக்கு -8
சிற்றிதழ்செய்தி -12
கால்ச்சுவடு 200
தளம் -12
படித்துறை -5
தொடரும் – 19
நிகழ்-15
வேர்கள் -6
தமிழ்நேயம்- 12
பிரக்ஞை-4
அலை-3
மண்-1
வள்ளுவம்-5
விசை-3
உயிர்மை-123
வடக்குவாசல்-11
அம்ருதா-73
வார்த்தை-21ரசனை-13
தீராநதி-163
உயிரெழுத்து-63
இளந்தமிழன்
திசை எட்டும் 
மன்னம்பாடி பள்ளிக்கு கணினி சார்ந்த நூல்கள்,திருக்குறள், கம்பராமாயணம்,சங்கைலக்கியங்கள், பாரதி, பாரதிதாசன், நவீனைலக்கியங்கள், கதை,புதினம்,கவிதை என ப்லதுறை நூல்கள் என மொத்தம் 1715 நூல்கள் வழங்கப்பட்டன.
கதைசொல்லி26 இதழ்களையும் சுந்தர ராமசாமியின் இவை என் உரைகள் நூலையும் எனக்கு அன்பளிப்பாக அளித்தனர்.
இப்பணியில் அய்யாவின் மகள் திருமதி.மங்களநாயகி, அய்யாவின் பெயரன் செல்வன் புவன், அய்யாவின் சகோதரி ராஜேஸ்வரி, சகோதரி மகன் திரு.கல்யாணசுந்தரம், அய்யாவின் அண்ணி திருமதி ஜெயலக்‌ஷ்மி, நான், என் மாணவர்கள் அரவிந்தசாமி,நேரு,வெஙடேசன்,பரத் அகிய அனைவரும் காலை 9.30 லிருந்து 4.30 வரை ஈடுபட்டு வெற்றிகரமாக இப்பணிகளை முடித்தோம். முடியும்வேளையில் எனது கண்கள் என்னை அறியாமலே கலங்கின. நூல்களைக் கொடுத்ததோடு மட்டுமல்லாமல் அதனை அடுக்கி வைக்க இரண்டு அலமாரிகளையும் கொடுத்து வண்டி வாடகையையும் கொடுக்க முனவந்தனர். நான் வாடகையை மட்டுமாவது பள்ளிசார்பில் கொடுக்கிறோம் என்பதை ஏற்றுக்கொண்டனர். அவர் ஆன்மா எங்கள் பள்ளியில் காலமெல்லாம் நிலைத்து அவரின் புகழை உலகுக்கு உணர்த்தும் இந்த வாய்ப்பினை நல்கிய அய்யாவின் குடும்பத்திற்கு நன்றி சொல்வதைத்தவிர வேறு என்ன செய்வது.


1 மார்ச், 2017

அன்னப்பூ விமர்சனம்


இரத்தின புகழேந்தி அவர்கள் எழுதிய "அன்னப்பூ" சிறுகதைத் தொகுப்பு புத்தகத்தை இன்று வாசிக்க நேர்ந்தது. முகநூலில் அவ்வப்போது இவர் பதிவுகள் வாசித்தது உண்டு. அந்த ஓர் அறிமுகம்தான் இந்தப் புத்தகத்தை வாசிக்க தூண்டியது. ஆனால், அந்தப் புத்தகத்தை வாசித்தபோதுதான் இது அவரின் ஒன்பதாவது புத்தகம் என்று தெரிந்தது. 

இந்த "அன்னப்பூ" புத்தகம் மொத்தம் பனிரெண்டு சிறுகதைகள் கொண்ட தொகுப்பு. ஒவ்வொன்றும் ஒவ்வொரு ரகம். 
ஒரு கதையில் சாயல் மன்றொன்றில் இல்லை. வேறு வேறு கதைக்களம்; வேறு வேறு உணர்வுகள் என சில மணி 
நேரத்தில் நாம் படித்து பெறக்கூடிய பேரனுபவம்.

அதில் இரண்டாவது வரும் "சுழியான்" கதையை வாசித்தபோது வருடாவருடம் தீபாவளிக்கு கோவையில் சாப்பிடும் சுழியான் சுவை மனதில் இருந்து நாவிற்கு எட்டிப் பார்த்தது.

மூன்றாவதாய் வாசித்த "தண்ணீர்" கதையில் வரும் தாகம் என் தொண்டையிலும் வருடியது. கதையை வாசித்து முடித்ததும் பக்கத்தில் இருந்த டம்ளர் தண்ணீரை பருகியபோது ஒருவித புதிய சுவை, தண்ணீரில்.

"செல்ஃபி பாரதி" கதை வாசித்தபோது என் மகள்கள் இருவரும் வாசித்து சிரித்து தள்ளினர். சிறுபிள்ளைகளும் வாசிக்கும்படி எளிய எழுத்து நடை. யோசித்துப் பார்த்தால் சின்ன சின்ன சம்பவங்கள்தான் முழுக்கதையையும் வடிவமைக்கிறது.

எழுத்தாளரின் கற்பனைத் திறனும், அதை எளிமையான கதைகளாய் அமைத்து கொடுத்த விதமும் உணரும்போது, "மண் மனம் மாறாமல் ஈர எழுத்துக்கள் கைதையெங்கிலும் விரவிக் கிடக்கின்றன" என்ற பதிப்பாளர் ஆர்.தேவகி அவர்களின் வரிகள் மிக பொருத்தமாக தெரிந்தது.


நன்றி: அருண்பத்மஜா
https://www.facebook.com/arun.padmaja1

நூலை இணைய வழியாகப்பெற
http://www1.marinabooks.com/detailed?id=4%208312